إمسك نفســــك يا جنيـــــــه
مالك قلقان كــــده ليـــــه ؟!
ما بـقــالك مـــده متـيـــــــن
إيه اللى جرالك .. إيـــــه ؟!
................
عديت م الثــــوره الأولــــى
ببراعة ماهيــش معـقـولـــه
إمسك نفســــك فى التانيـــه
بعدين ها نجــيب بيـك إيه ؟
................
فيه إيدين فى الميه الساقعه
مســـتنينلك واقــعـــــــــــــه
علشـــــان يخطفوا ســـبوبه
من دول فيه ألف ســفيه ...
................
عارفين ... الوضــع خطيــر
وانت اسـتحملــــت كتيــــــر
لكـــن نســــــند عـلـى ميــن
غير بس عليـــك.. وعليه..
................
دى بلدنــــا بجـد عظيمـــــه
لكــن حاســين بهزيمــــــــه
وما فيش ولا حته سليمــــه
إلا انت بجــد .. نــزيـــــــه
................
فاكــر فـى الاســــــــــتنزاف
عمرك ما عرفـت تخــــــاف
لا دولار همــك ولا غيـــــره
وعــدوك دُســـت عليــــــــه
................
دلوقتى ما عادش رجـــــوع
وان ضعت الناس هتجـــوع
لا حنعرف نعمل ثــــــوره ..
ولا حتى مظاهـــــره يا بيــه
................
خليـــك جــــنب الثـــــــــوار
يكمــل بيــك المشــــــــــوار
يا نصير شهــــداء الثـــوره
فيه ألف مصاب فى عنيــــه
........................
ـ نُشرت هذه القصيدة فى موقع دنيا الرأى رابط :
http://pulpit.alwatanvoice.com/articles/2011/11/26/243736.html